İsrail rejimi Məribin azad edilməsini özləri üçün təhdid bilir

Sizinyol xarici KİV-ə istinadən xəbər verir ki, sionist qəzeti “The Jerusalem Post” Yəmən ordusu və xalq komitələri tərəfindən Məribin azad edilməsini araşdıraraq bu hadisəni sionist rejim üçün problem və təhdid hesab edib.

“The Jerusalem Post” yazıb: “Səudiyyə Ərəbistanı və İran prosesi yaxından izləyir, eyni zamanda Yəməndəki həlledici döyüş mümkün həll nöqtəsinə yaxınlaşır. Səudiyyə Ərəbistanı Ənsarullahın böyük şəhərlərin kontrolunu ələ almaması üçün Yəmənə müdaxilə etdi və o andan Ər-Riyad Yəmənin devrilmiş və qaçaq prezidenti Mənsur Hadinin qüvvələrinə dəstək olmaqla Yəmən müharibəsinin girdabına qərq oldu.”

Sionist qəzet həmçinin yazıb: Bir vaxtlar Yəməndə Ər-Riyadla yanaşı əsas rol oynayan BƏƏ indi Yəməndə fərqli bir yol tutmuş kimi görünür. Bu o deməkdir ki, Ər-Riyad müttəfiqlərinin Mərib darvazalarında məğlub edilməsi təhlükəsi ilə qarşı qarşıyadır.

“The Jerusalem Post” bölgənin coğrafi mövqeyinə işarə edərək belə əlavə edib: “Marib Səudiyyə sərhədindən bir neçə yüz kilometr aralıda yerləşir. Əgər Ənsarullah bu şəhəri ələ keçirsə, bu, Səudiyyə Ərəbistanı üçün ruh düşkünlüyü olacaqdır.”