İsrail son bir ayda Livanda 50 hədəfə hücum edib

İsrail ordusu bir ay ərzində Livanda radikalların 50 hərbi obyektinə zərbə endirib.

APA xəbər verir ki, bu barədə ordunun mətbuat xidməti məlumat yayıb.

“İsrail ordusu bir ay ərzində Livan boyu 50 hədəfə zərbə endirib. Bu zərbələr İsrail və Livan arasında atəşkəs razılaşmasının pozulmasından sonra baş verib və bu, İsrail dövləti və onun vətəndaşları üçün təhlükə yaradır”, – məlumatda bildirilir.