İsrail Suriya ərazisinə aviazərbələr endirib, havadan müdafiə hərəkətə keçib

İsrail işğal altında saxladığı Colan Yüksəklikləri səmasından Suriyanın cənub bölgəsinə hava zərbələri endirməyə çalışıb.

İnterAz SalamNews-a istinadla xəbər verir ki, bu barədə hərbi mənbələr məlumat veriblər.

Bildirilib ki, ötən gecə saat 23 radələrində İsrail Colan səmasından Suriyanın cənubunu raketlərlə hədəfə alıb.

Havadan müdafiə hərəkətə keçərək raketlərin çoxunu səmada ikən zərərsizləşdirib.

Bu hücumun xəsarət və tələfatı haqda hələ məlumat yoxdur.

Suriyanın Colan Yüksəkliklərini işğal edən İsrail son iki həftədə üçüncü dəfədir ki, bu ölkənin ərazisini hədəfə alır.