İsrail Suriyanın Laziqiyyə vilayətindəki hərbi hədəfləri vurub

İsrail aviasiyası Suriyanın Laziqiyyə vilayətində hərbi obyektlərə zərbələr endirib.

APA xəbər verir ki, bu barədə “Al Hadath” telekanalı məlumat yayıb.

Telekanalın məlumatına görə, İsrail təyyarələri Cəbəl əl-Şaara ərazisini atəşə tutub.

Suriyanın “əl-Vatan” qəzetinin xəbərinə görə, İsrail son bir neçə saat ərzində ölkənin bir sıra vilayətlərində hədəflərə 18 hava hücumu həyata keçirib.

Hücumlar zamanı paytaxt Dəməşqin ətrafındakı bəzi ərazilər, Suriyanın mərkəzindəki Həma əyalətində və cənubundakı Dəra əyalətindəki hədəflər hədəf alınıb.