İsrail Yəmən raketinin hədəf aldığı bölgəyə yayım qadağası qoyub

İsrail rəhbərliyi Yəməndən atılan son raket hücumunun hədəfi olan strateji bölgəyə yayım qadağası qoyub. Bu qadağa bölgədə yanğınların söndürülməsi işlərinin davam etdiyi dövrə təsadüf edib.

Amerikanın CNN kanalının müxbiri Yəmən raketinin düşdüyü bölgənin yaxınlığından bir video paylaşaraq, məxfi və çox vacib olduğu üçün bu barədə danışmaq və ya əraziyə daxil olmağın qadağan olduğunu bildirib.

Görüntülərdə ikinci gündür ki, fasiləsiz davam edən yanğını söndürmək üçün İsrail qüvvələrinin qurudan və havadan göstərdiyi səylər əks olunub.

Yayımlanan videoda müxbir “Bura İsrailin tam mərkəzidir. İsrailin əkin sahələri yanır. Partlayıcı maddələr üzrə ekspertlər hazırda buradadır. Həmçinin raketin təsirini araşdıran məhkəmə-tibb ekspertləri qrupu da var. Lakin ən çox Verilən vacib sual, raketin Yəməndən İsrailə gəlib-gəlməməsidir.” “Bizim hazırkı yerimizi açıqlamağa icazə verilmir, amma deyə bilərəm ki, İsraildə son dərəcə kritik bir mərkəzə yaxınıq. “dedi.

Bundan əlavə, müxbir “Ona görə də burada aparılan iş təkcə yanğınların söndürülməsi deyil, həm də raketin mərkəzi İsrailin dərinliklərinə necə çatdığını öyrənmək üçündür” deyə dəyərləndirib.

İsrail administrasiyası daha əvvəl Ben Qurion hava limanı yaxınlığındakı strateji ərazinin hədəf alındığını təsdiqləsə də, heç birinin adını açıqlamayıb.

Ekspertlərin hesablamalarına görə, davam edən yanğınlar hədəfin yeraltı kimyəvi silah fabriki ola biləcəyini göstərir.

Yəmən bazar günü səhər tezdən Fələstin-2 tipli ballistik raketlə İsrailin paytaxtını hədəf aldığını açıqlayıb.

Sionist rejim raketin Ben Qurion hava limanı, elektrik stansiyası və qatar stansiyası da daxil olmaqla mühüm kompleksə, həmçinin adını açıqlamadığı strateji bölgəyə dəydiyini təsdiqləyib.