İsraildə fələstinli uşaqlara dəhşətli işgəncə verilir

Sizinyol xarici mediaya istinadən xəbər verir:

Fələstinli məhkum uşaqlar Sionist rejim tərəfindən elə bir şəkildə işgəncə olunur ki, heyvanlara bu şəkildə münasibət göstərilsə skandal olar.

Middle East Monitor veb saytı “Hər il, bəziləri 12 yaşında olan yüzlərlə uşaq tutularaq İsrail hərbi məhkəməsində mühakimə olunur Onların ən çox yayılan cinayətləri İsrail hərbçilərinin “təhlükəsizlik cinayəti” hesab etdiyi daş atmaqdır. Təqsirli olan uşaqların yaşından asılı olaraq 20 ilə qədər həbs cəzası ala bilər.” – deyə bildirib.

İsrail dünyadakı hərbi məhkəmələrdə ümumiyyətlə ədalətli mühakimə tədbirləri olmayan və uşaqları mühakimə edən yeganə hökumətdir. İsrail tərəfindən tutulan fələstinli uşaqlar mühakimə orqanları tərəfindən sistematik şəkildə istismar və işgəncələrə məruz qalırlar.

Qeyri-hökumət təşkilatı olan Uşaqları Xilasetmə Fondu yeni bir hesabatında bu problemlərin dərəcəsini sənədləşdirmişdir.

Hal-hazırda Ofer, Damon və Məcido daxil olmaqla, İsrail həbsxanalarında ən az 200 fələstinli uşaq saxlanılır. Bunlara psixi problemi olan əlil uşaqlar da daxildir. Damon və Məcido həbsxanaları çox sıxdır və bu həbsxanalardakı uşaqlar yoxsul və antisanitariya şəraitində saxlanılır. Aktivistlər Uşaq Xilasetmə Fondunun hesabatına əsasən, həbsxanadakı uşaqlara heyvanlardan daha pis münasibət göstərildiyini göstərdiyini söyləyirlər.

Həqiqət budur ki, heyvanlara belə münasibət göstərilsə, bu milli və ya hətta qlobal bir qalmaqal olacaqdır. Qadın məhkumlar da dəhşətli davranışlara məruz qalırlar.