İsrailin Miron bazası pilotsuz təyyarə ilə hücuma məruz qalıb

Sionist rejimin Miron bazası Livanın cənubundan pilotsuz təyyarələrin hücumuna məruz qalıb.

İRNA-nın verdiyi məlumata görə, işğal olunmuş Fələstinin şimalında Qərbi Cəliliyyədə yerləşən bu baza bir neçə saat əvvəl (21 sentyabr) Hizbullahın pilotsuz təyyarələrinin hücumu ilə hədəfə alınıb.

Sionist media da bu dron hücumundan sonra bu bölgədə həyəcan siqnalının işə salındığını elan edib.

Dünən də işğal olunmuş Fələstinin şimalındakı müxtəlif bölgələri Hizbullahın amansız hücumlarının atəşi altında idi.

Sionist rejim mediasının məlumatına görə, bu gün səhər saatlarından etibarən işğal olunmuş Fələstinin şimalında və işğal altındakı Suriyanın Cövlan təpələrində sionist hədəflərə 200-dən çox raket atılıb. Onlardan 150-yə yaxını Miron dağına və onun ətrafına düşüb.