İsrailin Qəzzaya endirdiyi hava hücumunda 9 şəhid
İsrail rejiminin Qəzza zolağına hücumu nəticəsində 5-i uşaq olmaqla 9 şəhid olub.
Sizinyolun xarici medialara istinadən verdiyi məlumata əsasən, Sionist rejimin dünən axşamkı hücumundan bir neçə saat əvvəl fələstinli tibb mənbələri işğalçı İsrail ordusunun şənbə gününün sonuna kimi Qəzza zolağına etdiyi hücumlarda 24 fələstinlinin şəhid olduğunu açıqlamışdı.
Fələstinin Qəzzada Səhiyyə Nazirliyi də dünən bildirib ki, son 24 saat ərzində bölgədə 26 fələstinli şəhid olub, 70 nəfər yaralanıb.
Məlumata görə, 2025-ci il martın 18-dən İsrailin Qəzzaya qarşı yeni təcavüz dalğasının başlamasından bu yana Qəzzada 921 nəfər şəhid olub, 2054 nəfər isə yaralanıb.
Bu şəhidlər də daxil olmaqla, 2023-cü il oktyabrın 7-dən Qəzzada Əl-Əqsa Tufanı əməliyyatının başladığı gündən bu yana şəhidlərin sayı 50.277, yaralıların sayı isə 114.095-ə çatıb.
