İsrailin Qəzzaya hücumları nəticəsində son 24 saat ərzində 47 nəfər həlak olub
Qəzzada son 24 saat ərzində İsrail ordusunun anklavın mərkəzi və cənub hissələrində əməliyyatları gücləndirməsi nəticəsində azı 47 nəfər həlak olub.
Bu barədə Qətərin “Əl-Cəzirə” telekanalı məlumat yayıb.
Telekanal qeyd edib ki, tibb mənbələri İsrail ordusunun Qəzza zolağının mərkəzindəki Deyr əl-Balah və cənubda Xan Yunisdə əməliyyatları gücləndirməsi nəticəsində azı 47 nəfərin öldüyünü bildirib.
Məlumata görə, İsrailin Qəzzaya qarşı ötən ilin oktyabrından davam edən hərbi əməliyyatları nəticəsində artıq 40 265 nəfər ölüb, 93 144 nəfər yaralanıb.
