İsrailli analitik: On il ərzində kor olub Həmas və Sinvarı görmədik

 Sionist rejimin hərbi analitiki Həmasın İsrail ordusu üçün ən böyük məğlubiyyətə yol açdığı bir halda “biz 10 il fil yuxusunda yatmışdıq” deyib.

Sizinyolun xarici medialara istinadən verdiyi məlumata əsasən,  İsrail rejiminin “Kanal 14” televiziyasının hərbi məsələlər üzrə analitiki Noam Amirin bu gün (5 mart) 7 oktyabr 2023-cü il tarixdə baş vermiş uğursuzluqla bağlı araşdırmaların nəticələri barədə deyib: İsrail ordusunun 7 oktyabr məğlubiyyəti bizim üzərimizə qoyulan dəhşətli məğlubiyyətin kiçik bir hissəsidir. Bu günə qədər dərc olunan məlumatları araşdırıb dəyərləndirsək, bu məlumatların ictimaiyyətin bu günə qədər məlumatlandırıldığı uğursuzluqların yalnız 10 faizini təşkil etdiyi halda, cəmiyyətin həqiqətən də həzm edə bilmədiyi daha bir uzun siyahı var.

Noam Amir əlavə edib: İstintaqın nəticələrindən çıxarıla bilən çətin nəticə ondan ibarətdir ki, Kəşfiyyat İdarəsi bu gün araşdırmanın nəticələrini dərc etdikdən sonra Qəzza zolağındakı Fələstin təşkilatları haqqında heç nə bilmədiyini etiraf edir.

Bundan əlavə, başqa bir statistik hesabat göstərir ki, nəticələrin əksəriyyəti çox gec olduqdan sonra kəşfiyyat orqanlarına verilib.

Kəşfiyyat xidmətindəki məlumatlı mənbələrə görə, İsrail öz düşməni haqqında heç bir anlayışı olmadığı halda cənubda müharibəyə girdi.

Təxminən on il əvvəl aparılan araşdırmaya görə, 2015-ci ildə Sinvar HƏMAS-ın strategiyasını dəyişib. Amma kəşfiyyat xidməti bundan xəbərsiz olub və bu məsələdən yalnız son aylarda aparılan araşdırmalar zamanı xəbər tutub.