İtaliyada axtarışda olan mafiya üzvlərindən biri Madriddə saxlanılıb

İspaniya polisinin italiyalı həmkarları ilə həyata keçirdiyi birgə əməliyyat nəticəsində İtaliyada axtarışanda olan “Ndrangeta” adlı mafiya qruplaşmasının üzvü ələ keçirilib.

Bu barədə İspaniya hüquq-mühafizə orqanlarının press-relizində deyilir.

Məlumata görə, həbs Madriddə həyata keçirilib. Adı dəqiqləşdirilməyən şübhəli şəxs Portuqaliyaya məxsus saxta sənədlərlə İspaniya ərazisində olub. Həbs olunarkən onun üzərindən 6 mobil telefon və təxminən, 6 min avro götürülüb.

Qeyd edək ki, 2005-ci ildə o, 30 illik həbs cəzasına məhkum olunub. Lakin vəkilləri onun ekstradiyasından yayınmaq üçün İspaniya məhkəməsinin qərarından şikayət ediblər.

Report