Jerusalem Post: Əsədin BƏƏ-yə səfəri Suriya üçün yeni bir dövrün başlanğıcıdır
Bir sionist qəzet yazıb ki, Suriya Prezidentinin Birləşmiş Ərəb Əmirliklərinə səfəri Dəməşqin region ölkələri ilə əlaqələrinin genişləndirilməsində yeni dövr sayıla bilər.
Sionist “Jerusalem Post” qəzeti Suriya Prezidenti Bəşər Əsədin Suriya müharibəsinin başlamasından sonra ərəb ölkəsinə ilk səfərinin təhlilində yazıb ki, Əsədin BƏƏ-yə səfəri Suriya üçün yeni dövrdür.
Məlumata görə, Əsəd dünən (cümə) BƏƏ-yə səfər edib və Dubayın vitse-prezidenti və hakimi Şeyx Məhəmməd bin Rəşid və Əbu-Dabinin Vəliəhdi və BƏƏ Silahlı Qüvvələrinin Ali Baş Komandanının müavini Şeyx Məhəmməd bin Zayid Prezidentlə Suriyadakı son hadisələri müzakirə ediblər.
Əmirliyin nəşriyyatı bu görüşləri Suriya hökuməti üçün mühüm dönüş nöqtəsi kimi dəyərləndirib və yazıb ki, Suriya hökumətinin xarici dünya ilə əlaqələri genişlənir.
“Jerusalem Post” qəzeti yazıb: “Əsədin BƏƏ-yə səfəri simvolik idi, çünki BƏƏ BMT Təhlükəsizlik Şurasının iclasında Rusiyanın Ukraynaya təcavüzünü pisləyən qətnamənin əleyhinə səs verib və görünür, o, Çin və Hindistanla birlikdə qlobal sistemi tənzimləməyə çalışır.”
Xəbərdə daha sonra Böyük Britaniyanın baş naziri Boris Consonun ötən həftə BƏƏ və Səudiyyə Ərəbistanında olduğu, ABŞ dövlət katibi Entoni Blinkenin isə bu ay BƏƏ-yə səfərinin planlaşdırıldığı, amma səfərinin hələ təsdiqlənmədiyi bildirilir.
Həmçinin, Sionist Prezident Naftali Bennet də bu ilin əvvəlində Birləşmiş Ərəb Əmirliklərinə səfər edib.
Məlumata görə, Əsədlə Şeyx Məhəmmədin ikitərəfli görüşü zamanı bir sıra məsələlər müzakirə edilib, Suriyanın ərazi bütövlüyünün qorunub saxlanılması və xarici qoşunların ölkədən çıxarılması vurğulanıb. O, sabitliyə nail olmaq və Dəməşqlə əməkdaşlığı gücləndirmək istədiyini bildirib.
