Kənani: Sionist rejim cinayəti davam etdirməklə ömrünü daha da qısaldır

İran İslam Respublikası Xarici İşlər Nazirliyinin sözçüsü deyib: Sionist rejim Fələstin xalqına qarşı cinayətləri və təcavüzünü davam etdirməklə öz ömrünü daha da qısaldır.

İran İslam Respublikası Xarici İşlər Nazirliyinin sözçüsü Nasir Kənani sionist rejimin Fələstin xalqına qarşı son təcavüzü və Fələstin müqavimət qruplarının cavablarına işarə edib.

İordan çayının qərb sahilindəki Cenin düşərgəsi bazar ertəsi, iyunun 19-u səhər saatlarından etibarən sionist hərbçilərlə Fələstin müqavimət qüvvələri ilə bəzi axtarışda olan müqaviməti qüvvələrini həbs etmək bəhanəsi ilə Ceninə hücum edən sionist qüvvələr arasında görünməmiş qarşıdurmanın şahidi olub. Müqavimət qüvvələri sionistləri qəfil pusquya salıb.

Kənani deyib: “ Müqavimət Fələstin xalqının terrora, işğala və aparteidə qarşı təbii və qanuni cavabıdır və məzlum, lakin dözümlü Fələstin xalqı mütəşəkkil terrorizmi və sionistlərin cinayətlərini cavabsız qoymayacaq. Sionist rejim cinayət və təcavüzlərin davamı ilə ömrünü daha da qısaldır.”

Sionistlərin Ceninə hücumunda 7 Fələstin vətəndaşı, o cümlədən 15 yaşlı “Sədil Nəğnəğiyyə” adlı qız bu rejim əsgərləri tərəfindən güllələnib.

Fələstin müqaviməti də sionist qüvvələrlə qarşıdurma zamanı onlardan 7 nəfərini yaralayıb və çərşənbə axşamı günü Ramullahın şimalında şəhadət əməliyyatı zamanı 4 mühacir öldrülüb, 4 nəfər isə yaralanıb.

Dünən gecə (çərşənbə günü) Fələstin İslami Cihad hərəkatının hərbi qolu olan “Sərayəl-Qüds” bir bəyanat yayaraq, sionist rejimin pilotsuz təyyarəsi əməliyyatında bu qrupun 3 əsgərinin şəhid olduğunu elan edib. Bu batalyon vurğulayıb ki, belə bir axmaq qərardan sonra düşmən bunun aqibətini və cəzasını gözləməlidir.