Kərbəla, Nəcəf və Məşhəddə On ikinci imamın mövludu ilə bağlı mərasimlər keçirilib

Şaban ayının 15-i On ikinci imamın mübarək mövludu ilə bağlı bir sıra müqəddəs ziyarətgahlarda müxtəlif mərasimlər və tədbirlər keçirilib.

Ötən gün axşam Kərbəlada İmam Hsüeynin məqbərəsində On ikinci İmamın mövludu münasibətilə müxtəlif mərasimlər keçirilib. Mövlud münasibətilə imamın yaşı qədərində şamlar yandırılıb və məqbərə xüsusi güllərlə bəzədilib.

Nəcəf-Əşrəf şəhərində yerləşən İmam Əlinin məqbərəsində və Məşhəddə İmam Rzanın məqbərəsi rəngarəng mövlud mərasimlərin şahidi olub.

Eləcə də İranın Qum şəhərində On ikinci imamın adına inşa edilmiş Cəmkəran məscidi mövlud tədbirlərinin və mənəvi mərasimlərin şahidi olub.

Bu tədbirlər koronavirus pandemiyasına görə müəyyən məhdudiyyətlərlə keçirilib.

Salamnews