Kərbəlada uşaqlar üçün Quran müsabiqəsi keçirilib
Kərbəla şəhərində “Kövsər” adlı tərtillə Quran tilavəti müsabiqəsi təşkil edilib.
“Bizim övladlarımız – bizim qarilərimiz” şüarlı tədbir Həzrəti Abbas (ə) Hərəminin Quran Elmləri Mərkəzinin təşəbbüsü ilə keçirilib.
“Seyid Muhəmməd bin Həmzə Türbəsi” ilə birgə keçirilən sözügedən yarış artıq sayca üçüncü olub.
Müsabiqədə 18 tələbə iştirak edib.
Tədbir zamanı uşaqlar və gənclərin Qurani-Kərimlə bağlı mərasimlərə qatılması və onların Vəhy Kəlamı ilə bağlarının gücləndirilməsinə dair çağırış edilib.
Müsabiqənin sonunda 6 uşaq dərəcə qazanıb. Bütün iştirakçılara hədiyyələr verilib.
