Kanadada atışma zamanı azı 4 nəfər yaralanıb
Kanadanın Kvebek əyalətində kollec yaxınlığında baş verən atışma nəticəsində azı 4 nəfər yaralanıb.
“Report” xəbər verir ki, bu barədə cümə günü CBC radiostansiyası məlumat yayıb.
“Azı dörd nəfər yaralanıb, atəş səsləri eşidilib və “Montmorency” kollecinin binası polis tərəfindən bağlanıb”, – məlumatda deyilir.
Qeyd olunur ki, polis parka yerli vaxtla saat 17:22 radələrində (Bakı vaxtı ilə 2:22) çağırılıb. Müstəntiqlər bir və ya bir neçə şübhəlini axtarır.
Eyni zamanda, polisin məlumatına görə, hadisə zamanı yalnız bir nəfər xəsarət alıb, onun həyatı üçün təhlükə yoxdur.
Report.az
