Katzdan Colaniyə: Siz ağır bədəl ödəyəcəksiniz

Katzdan Colaniyə: Siz ağır bədəl ödəyəcəksiniz

İsrailin müdafiə naziri İsrael Katz HTŞ rejiminin lideri Əbu Məhəmməd əl-Colaniyə anti-İsrail qüvvələrinin girməsinə icazə verməməsi ilə bağlı xəbərdarlıq edərək, bunun ciddi nəticələri olacağını xəbərdar edib və son hava hücumlarının bir mesaj olduğunu bildirib.

İsrailin müdafiə naziri İsrael Katz Suriyadakı Heyət Təhrir əş-Şam (HTŞ) rejiminin lideri Əbu Məhəmməd əl-Colanini (indiki Əhməd əl-Şara kimi tanınır) təhdid edən bəyanatla çıxış edib.

“Mən Suriya lideri Colani xəbərdar edirəm ki, əgər İsrailə düşmən olan qüvvələrin Suriyaya daxil olmasına icazə versəniz və İsrailin təhlükəsizlik maraqlarını təhlükə altına qoysanız, bunun əvəzini çox ağır ödəyəcəksiniz”, – Katz bildirib.

Müdafiə naziri həmçinin əlavə edib ki, ” İsrail təyyarələrinin dünən gecə T4, Həma və Dəməşq hava limanlarına qarşı həyata keçirdiyi hücumlar İsrail Dövlətinin təhlükəsizliyinin pozulmasına imkan verməyəcəkləri ilə bağlı gələcək üçün açıq mesaj və xəbərdarlıqdır”.

Katz bildirib ki, “İsrail ordusu birlikləri Qolan təpələri və onun Əl-Cəlildəki yaşayış məntəqələrinin hər hansı təhlükədən qorunmasını təmin etmək üçün Hermon dağının zirvəsində və təhlükəsizlik zonalarında yerləşdirilməyə və fəaliyyət göstərməyə davam edəcək”.

“Biz dünən qüvvələrimizə hücum etməyə cəhd edən silahlıları hədəf alaraq qətiyyətlə hərəkət etdik”, – müdafiə naziri bildirib.

Digər tərəfdən, İsrailin xarici işlər naziri Gideon Sa’ar, “Sərhədlərimizin heç birində (6 oktyabrdan əvvəlki) reallığa qayıtmağa icazə verməyəcəyik” açıqlaması verdi.

Sa’ar “Türkiyənin Suriya və Livandakı mənfi rolundan” narahatlığını ifadə edib.

Xarici işlər naziri Saar iddia edib ki, “Suriyadakı bütün hərbi fəaliyyətlərimiz təhlükəsizliyin qorunması və təhdidlərin qarşısının alınmasına yönəlib”.

Saar həmçinin bəyan edib ki, İsrail diplomatik marşrutu istisna etmədən “İranın nüvə silahı əldə etməsinin qarşısını almağa” çalışır.

Nazir iddia edib ki, “Livan sərhədi və qüvvələrimiz tərəfindən həbs edilən insanlarla bağlı danışıqlar davam edir”.

Dünən gecə sionist rejimin döyüş təyyarələri Dəməşqin şimalında Bərzə yaşayış məskəni və Həma şəhəri yaxınlığındakı elmi tədqiqat mərkəzinin ətrafına hava zərbələri endirib.

İsrail ordusu Suriyanın Həma və T4 bazalarında (Homs çölündə) qalan hərbi potensiala və Dəməşq ərazisində qalan müxtəlif hərbi infrastrukturlara hava zərbələri endirib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

19 + sixteen =