Keçmiş MKİ agenti İsrailin məxfi sənədlərini sızdırmaqda ittiham olunur
ABŞ Mərkəzi Kəşfiyyat İdarəsinin keçmiş agenti, 34 yaşlı Asif Rəhman oktyabrda raket hücumundan sonra İsrailin İrana qarşı qeyri-qanuni təcavüz planlarını təfərrüatlı sənədləri sızdırmaqda şübhəli bilinərək həbs edilib.
Ədliyyə Departamentinin məlumatına görə, CİA-nın keçmiş əməkdaşı Asif Vilyam Rəhman cümə günü İsrailin İrana zərbə endirmək planları ilə ın–bağlı
Rəhman Kambocada həbs edilib və məhkəmə qeydlərinə görə, Casusluq Aktı ilə məxfi milli müdafiə məlumatlarını gizlətmək və ötürməkdə ittiham olunub. İttihamlar ABŞ-ın Virciniya ştatının Şərq Bölgəsi üzrə Dairə Məhkəməsində irəli sürülüb.
Asif Rəhman FTB müstəntiqləri sızdırılmış iki sənədin Kambocanın Pnom Penhdəki ABŞ səfirliyindəki iş stansiyasına yükləndiyini müəyyən etdikdən sonra həbs edilib.
34 yaşlı və Virciniya ştatının Vyana sakini olan Rəhmana mayın 15-də hökm oxunması planlaşdırılır.
“Rəhman bilərəkdən ölkənin ən həssas məlumatlarını əldə edib və paylaşıb”, – məhkəmə sənədlərində deyilir.
Rəhmanın hərəkətləri sızan materialın potensial əks-sədası səbəbindən xeyli diqqət çəkib.
2016-cı ildə MKİ-yə qoşulan Rəhman 2024-cü ildə də daxil olmaqla bir neçə dəfə məxfi materialları qeyri-qanuni yolla endirdiyini, çap etdiyini və paylaşdığını etiraf edib.
Həmin ilin yazında o, iş kompüterindən məxfi və tam məxfi qeyd olunan beş sənədi çap edib, onları evə aparıb, məzmununu dəyişdirib və məhkəmə protokollarına əsasən, icazəsiz şəxslərlə bölüşüb.
Hərəkətlərini gizlətmək üçün fəaliyyətini silib, sənədləri idarəyə qaytarıb və məhv edib.
2024-cü ilin payızında Rəhman daha 10 çox məxfi fayl çap edib, onları evə gətirib paylaşanda iş daha da böyüyüb. Daha sonra, 2024-cü il oktyabrın 17-də Rəhman ABŞ-ın müttəfiqinin xarici düşmənə zərbə endirmək planlarını təfərrüatlandıran daha iki sənədə daxil oldu və çap etdi.
İsrailin İrana zərbə endirmək planlarını əks etdirən bu sənədlər daha sonra İran tərəfdarı olan “ Middle East Spectator ” Telegram hesabı tərəfindən dərc edilib.
