Kim Çen In “casus peykindən” Cənubi Koreyadakı ABŞ hərbi bazalarının fotolarını əldə edib

Şimali Koreya lideri Kim Çen In KXDR-in yeni “casus peyki” tərəfindən çəkilmiş fotoşəkillərlə tanış olub. Onlar Cənubi Koreyanın paytaxtı Seul və ABŞ hərbi bazalarının yerləşdiyi şəhərlər də daxil olmaqla “əsas əraziləri” təsvir edir.

Reuters in verdiyi məlumata görə, fotolar peyk cümə günü səhər saatlarında yarımadanın üzərində uçarkən çəkilib.

Kim cümə günü Pxenyanda Milli Aerokosmik Texnologiyalar Administrasiyasının (NATA) idarəetmə mərkəzinə səfəri zamanı fotoşəkillərə, eləcə də Şimali Koreyanın bəzi hissələrinə baxıb.