KİV: Kolumbiyada silahlı qarşıdurma zamanı 6 nəfər ölüb
Kolumbiyanın qərbində iki üsyançı qrup arasında silahlı qarşıdurma baş verib.
APA TASS-a istinadən xəbər verir ki, bu barədə yerli “La FM” radiosu məlumat yayıb.
Qərbi Narino departamentinin Tumako bələdiyyəsində baş verən hadisə zamanı yerli əhali atəşə tutulub. Nəticədə azı 6 nəfər yerindəcə ölüb. İki nəfərin itkin düşdüyü bildirilir.
Hadisə ilə bağlı istintaq başladılıb.
