KİV: Tramp administrasiyası ABŞ-nin nüvə təhlükəsizliyi agentliyinin yüzlərlə əməkdaşını işdən çıxarıb
ABŞ Prezidenti Donald Trampın administrasiyası ABŞ Milli Nüvə Təhlükəsizliyi üzrə Agentliyinin (NNSA) yüzlərlə əməkdaşının işdən çıxarılması barədə sərəncam verib.
“Report” bu barədə “Defense One” nəşrinə istinadən xəbər verir.
NNSA mənbələrinin məlumatına görə, söhbət sınaq müddətinə qəbul edilmiş 300 əməkdaşdan gedir.
“Bu qərar administrasiyanın dövlət qurumlarına yeni qəbul edilmiş işçilərin sayının azaldılması üzrə ümumi planının bir hissəsidir. Bu qərar milyarder İlon Maskın rəhbərlik etdiyi Dövlət İdarəetməsinin Səmərəliliyi Departamentinin (DOGE) tövsiyəsi əsasında qəbul edilib”, – mənbə qeyd edib.
İxtisarlar barədə bildirişlər NNSA-nın tabe olduğu ABŞ Energetika Nazirliyi rəhbərliyi tərəfindən yayılıb.
