Kubada yaşayış binasında baş verən yanğında 7 nəfər ölüb
Kubanın paytaxtı Havananın mərkəzi hissəsində yaşayış binasında baş verən yanğında azı 7 nəfər həlak olub.
APA xəbər verir ki, bu barədə yerli “Cubadebate” xəbər portalı məlumat yayıb.
Ölənlər arasında iki azyaşlının olduğu bildirilir. Yanğın söndürülüb, polis hadisənin səbəblərini araşdırır.
İlkin məlumata görə, yanğın girişdə dayanmış elektrik mopedlərinin alışması nəticəsində baş verib.
Apa.az
