“Legiya” Mahir Emreli üçün dil kursları təşkil edəcək
Azərbaycan millisinin futbolçusu Mahir Emrelinin çıxış etdiyi Polşa “Legiya”sı komandadakı legionerlərin baş məşqçi Marek Qolebiyevskinin tapşırıqlarını daha yaxşı başa düşməsi üçün maraqlı üsulə əl atıb.
Varşava təmsilçisi əcnəbi oyunçular üçün dil kursları təşkil edəcək. Bundan sonra legioner futbolçulara klubun tədris mərkəzində 45 dəqiqəlik polyak dili dərsləri keçiləcək. Artıq bunun üçün xüsusi müəllim də işə götürülüb.
Qeyd edək ki, Mahir Emreli cari mövsümün əvvəlindən “Legiya”da çıxış edir.
Apa
