Livan Azad Milli Hərəkatı ABŞ-ın sanksiyalarını qınadı

Sizinyol xarici mediaya istinadən xəbər verir:

Livanın Azad Milli Hərəkat partiyası ABŞ-ın partiya liderinə qarşı tətbiq etdiyi sanksiyaları qınadı və planlarının əleyhdarlarına qarşı qisas almaq üçün açıq yalanlardan istifadə etdiyini söylədi.

Partiyanın siyasi nümayəndə heyəti şənbə günü verdiyi açıqlamada ABŞ-ın dünənki lider və sabiq Livan Xarici İşlər Naziri Cəbran Basilə qarşı tətbiq etdiyi sanksiyalara cavab olaraq “ABŞ-ın addımlarının aşkar bir yalan” olduğunu söylədi.

ABŞ Maliyyə Nazirliyi dünən Hizbullahı dəstəkləməsinin Livanda və bölgədə qeyri-sabitliyə yol açdığını iddia edərək Basili sanksiya siyahısına saldı. Sanksiyalara reaksiya verən keçmiş Livan Xarici İşlər Naziri sanksiyalardan və ya vədlərdən qorxmadığını və uzun müddət zülmə və haqsızlığa alışdığını dedi.

Cəbran Basilin rəhbərlik etdiyi Azad Milli Hərəkat Hizbullahın əvvəlki hökumətlərdəki müttəfiqlərindən biri olmuş və bu hərəkatla hələ də yaxşı münasibətlərdədir.

Livandakı Hizbullah Cümə günü tətbiq olunan sanksiyaları qınayan və Basil ilə həmrəylik ifadə edən bir açıqlama yayaraq, dünyada korrupsiya və terrorizmə dəstək verən hökumətin korrupsiyaya qarşı mübarizə aparmaqdan dəm vuracaq ən son hökumət olduğunu söylədi.