Livan Hizbullahı: Müqavimət qrupları BƏƏ və Bəhreyn rəhbərlərinin xain əməllərini cavabsız qoymayacaq

Sizinyol xarici mediaya istinadən xəbər verir:

Livan Hizbullahı bu gün Bəhreyndəki hakim rejimin sionist rejimlə münasibətlərin normallaşmasını kəskin şəkildə qınadı. Hizbullah verdiyi bəyanatda deyib: “Hizbullah Bəhreyndəki hakim rejimin İsrail rejimini rəsmi şəkildə tanıması və bu rejimlə münasibətləri normallaşdırmasının addımını qətiyyətlə pisləyir.”

Hizbullah əlavə etdi: “Bu addım muzdlu və xain rejimlərin öz millətlərinə qarşı addımı və düşmənlə məhrəm münasibətləri açıq şəkildə yürütmək çərçivəsində baş verib. İqtidar ardınca olan bu hakimlər Fələstin xalqına və İslam ümmətinin ədalətli məsələlərinə qarşı atdıqları bu addıma haqq qazandıra bilməyəcəklər.”

Sonda Hizbullah vurğuladı: “BƏƏ və Bəhreyn rəhbərlərinin bu xain əməlinə azad Ərəb millətləri, xüsusilə Fələstin xalqı və Fələstin müqavimət qrupları, həmçinin, məntəqədəki digər müqavimət hərəkatları tərəfindən cavab verilməlidir. Fələstin xalqının öz torpaqlarını tamamilə azad etmək və qəsbkar düşmənlə münasibətlərin normallaşdırılmasının bütün formalarını rədd etmək haqqı vardır. İnşallah zəfər də bizimlədir.