Livan Hizbullahının baş katibi: Fələstin xalqının işi haqlıdır/Sionist rejimə xəbərdarlıq
Livan Hizbullahının baş katibi Beynəlxalq Qüds gününə cavab olaraq, Fələstin məsələsinə sadiqliyini vurğulayaraq Fələstin məsələsinin onlar üçün çox önəml olduğunu deyib.
Sizinyolun xarici medialara istinadən verdiyi məlumata əsasən, Şeyx Nəim Qasim bu gün (29 mart) deyib: Beynəlxalq Qüds Günü məzlumlarla təkəbbürlülərin qarşıdurma günüdür. Bu gün biz Fələstin xalqı arasında kök salan və düşməndən geri çəkilməyi qeyri-mümkün edən müqavimətin şahidiyik. Bu gün biz birbaşa təsirini göstərəcək böyük bir transformasiya astanasındayıq və geriyə dönüş imkanı yoxdur.
Hizbullahın baş katibi İsrailin istədiyi zaman Livanı sərbəst şəkildə hədəf alması və təcavüzə əl atmasının qəbuledilməz olduğunu bildirərək əlavə edib: Biz heç kimin İsraillə qarşıdurmada gücümüzü əlimizdən almasına icazə verməyəcəyik. İndiyə qədər gözləmişiksə, bu səbr bizə fürsət vermək üçün olub, dümən bilməlidir ki, hər şeyin həddi var.
Şeyx Qasım Livan hökumətinin yenidənqurma müzakirələrinə tez bir zamanda başlamalı olduğunu və bu məsələnin başqa bir məsələ ilə əlaqələndirilməməsi lazım olduğunu da vurğulayıb.
