Livan Hizbullahının dronları-Foto
Livan mediası Livan Hizbullah hərəkatının 6 pilotsuz təyyarəsinin şəkillərini və adlarını dərc edib.
Livanın “Əl-Əxbar” qəzeti bu gün Livan Hizbullah hərəkatının yüksək səviyyəli komandirlərindən birilə müsahibəsində bu hərəkatın bir sıra pilotsuz təyyarələrinin görüntülərini dərc edib.
Bu Livan qəzeti Hizbullahın pilotsuz təyyarələrinin imkanları haqqında daha çox məlumat vermədən yalnız bu pilotsuz təyyarələrin adlarını dərc edib.
Hizbullahın pilotsuz təyyarələri işğal altındakı Fələstinin sərhədlərini dəfələrlə keçərək Livandakı öz bazalarına uğurla qayıdıblar.
Ötən ilin fevral ayının sonlarında İbrani KİV-ləri “Əl-Cəlil Ulya” (işğal altında olan Fələstinin şimalı) və işğal altındakı Qolanda həyəcan siqnalının işə salınması barədə məlumat yayıb.
Bu xəbərin dərcindən bir neçə dəqiqə sonra İbrani mənbələri sionist rejimin hərbi təyyarələrinin döyüş hazırlığında olduqlarını bildiriblər.
Sionist ordu xəbər mənbələrinin xəbərini rəsmən təsdiqləyərək, bir pilotsuz təyyarənin işğal olunmuş Fələstinin ərazisinə daxil olduğunu və eyni zamanda Dəmir Qübbənin işə düşdüyünü elan edib. Saatlar sonra ordu ikinci bəyanatında məğlubiyyətini rəsmən etiraf etdi və bütün ələ keçirmə vasitələrindən (qırıcı, helikopter və dəmir günbəz nəzərdə tutulur) istifadə etməsinə baxmayaraq, pilotsuz təyyarənin qarşısını ala bilmədiklərini və pilotsuz təyyarənin sağ-salamat Livandakı öz bazasına qayıtdığını bildirdi.
Bir neçə saatdan sonra Livanın Hizbullah hərəkatı bir bəyanatla bu əməliyyatı rəsmi olaraq öz üzərinə götürdü və elan etdi: “Bu gün, 18.02.2022-ci il cümə günü İslami Müqavimət “Həssan” pilotsuz təyyarəsini işğal olunmuş Fələstin ərazisinə göndərdi. Həsənin pilotsuz uçan aparatı məlumat toplama missiyası çərçivəsində 40 dəqiqə ərzində hədəf ərazidə uçuşlar həyata keçirib.
Bəyanatın davamında deyilir:
“Kəşfiyyat missiyası işğal olunmuş Fələstinin şimalından 70 kilometr uzunluğa qədər uzanıb. Düşmənin bütün ardıcıl və çoxsaylı vurmaq cəhdlərinə baxmayaraq, Həssan pilotsuz uçan aparatı işğal olunmuş ərazilərdən sağ-salamat qayıdıb. Pilotsuz təyyarə düşmənin hərəkətlərindən təsirlənmədən nəzərdə tutulan missiyanı uğurla yerinə yetirib.
