Livandan İsrailə raket hücumu

Livandan iki raket atılmasından sonra İsrailin müdafiə naziri İsrael Katz Livana qarşı hərəkətlə hədələyərək, sakitliyin bərpa olunmayacağı təqdirdə Beyrutun hədəfə alınacağını bildirib.
İsrail ordusunun sözçüsü bu gün Livandan iki raket atıldığını, birinin tutulduğunu, digərinin isə Livan ərazisinə düşdüyünü açıqlayıb.
Bəyanat işğal altındakı şimalda bir neçə yaşayış məntəqəsində, xüsusilə Kiryat Şimona, Marqaliot və Tel Haidə sirenlər səsləndikdən sonra verilib. İsrail mediası da Kiryat Şimonada iki partlayışın baş verdiyini yazıb.
Hadisəni şərh edən işğal rejiminin müdafiə naziri İsrael Katz Livanın paytaxtı Beyrutun Kiryat Şimona bərabər olduğunu bildirib və şəhərə qarşı hərəkətlə hədələyib. Katz, “Əgər Kiryat Şimona və Qalileydəki yaşayış məntəqələrində sakitlik olmasa, Beyrutda da sakitlik olmayacaq” dedi.
Katz həmçinin Livan hökumətinin Cəlilə qarşı atılan hər güllədən birbaşa məsul olduğunu ifadə edərək, “7 oktyabr reallığının geri dönməsinə icazə verməyəcəyik, Qalileya sakinlərinin təhlükəsizliyinə zəmanət verəcəyik və hər təhlükəyə qarşı çalışacağıq” dedi.
Metula meri David Azulai deyib: “Bizim qorxduğumuz şey budur. 23 ildir cənubda vəziyyət eynidir. Biz buna icazə verməyəcəyik və qəbul etməyəcəyik. İsrail hökuməti bu gündən etibarən 1701 saylı qətnamənin ləğvini elan etməlidir”.
Digər tərəfdən, Livandan yayımlanan əl-Mənar televiziyası Hizbullahın məsələ ilə bağlı açıqlamasına yer verib. Bəyanatda Hizbullahın atəşkəsə sadiq olduğu və bugünkü raket hücumu ilə heç bir əlaqəsinin olmadığı bildirilib.