Londonun Hitrou hava limanı yanğın səbəbindən BAĞLANDI
Londondakı Hitrou hava limanı elektrik yarımstansiyasında baş verən yanğın səbəbindən bağlanıb.
Musavat.com xəbər verir ki, hava limanının rəsmi saytında yayımlanan məlumata görə, yanğın hava limanını enerji ilə təmin edən yarımstansiyada baş verib və bu, ciddi elektrik kəsintilərinə səbəb olub. Təhlükəsizlik məqsədilə Hitrou hava limanı qapadılıb.
Flightradar24-ün məlumatına əsasən, hava limanının bağlanmasından sonra 120 təyyarə geri qaytarılıb və ya alternativ hava limanlarına yönləndirilib.
