Lukaşenko İran Prezidentini Novruz bayramı münasibətilə təbrik edib
Belarusiya Prezidenti Novruz bayramı münasibətilə iranlı həmkarına ünvanladığı təbrikdə Minskə səfər dəvətini təkrarlayıb.
Aleksandr Lukaşenko iranlı həmkarı Seyid İbrahim Rəisiyə Novruz bayramı münasibəti ilə ünvanladığı təbrik mesajında ona və bütün iranlılara sağlamlıq və firavanlıq diləyib.
Lukaşenko bu mesajda deyib: “Ötən il ölkələrimiz yüksək səviyyəli səfərlər, ticarət artımı və bu yaxınlarda diplomatik münasibətlərin qurulmasının 30-cu ildönümünün qeyd olunmasını əhatə edən bir sıra mühüm ikitərəfli tədbirlər keçirib.”
Mesajda deyib: Ölkələrimiz siyasi, ticarət və iqtisadi sektorlarda mühüm uğurlar əldə edib. Biz sənaye, kənd təsərrüfatı, nəqliyyat sahələrində daha sıx əməkdaşlığa və qarşılıqlı elmi-texniki nailiyyətləri perspektivli kommersiya layihələrinə çevirməyə çalışırıq.
Lukaşenko vurğulayıb: Minsk və Tehran arasında uzunmüddətli tərəfdaşlığın inkişafı üçün ötən həftə imzalanmış yol xəritəsinin mövcud potensialını həyata keçirmək lazımdır.
“Belta”nın məlumatına görə, bu mesajda deyilir: Belarus Prezidenti Aleksandr Lukaşenko Tehrana səfəri zamanı İbrahim Rəisinin iki prezident arasında keçirilən görüşün iki ölkə arasında hərtərəfli əməkdaşlıqda dönüş nöqtəsi və münasibətlərin yaxşılaşdırılmasında başlanğıc nöqtəsi olması ilə bağlı ifadə etdiyi fikri ilə razıdır.
Belarus Prezidenti qonaqpərvərliyə görə İrana təşəkkür edərək əlavə edib: Mən fürsətdən istifadə edib, sizi münasib vaxtda Minskə səfərə dəvət edirəm.
Bazar ertəsi, martın 13-də İran və Belarus Prezidentləri Tehranda keçirilən mərasimdə İran və Belarus arasında hərtərəfli əməkdaşlıq üçün yol xəritəsini imzalayıblar.
Həmçinin, Rəisi və Lukaşenkonun iştirakı ilə İran və Belarusun yüksək səviyyəli rəsmiləri iki ölkə arasında müxtəlif ticarət, nəqliyyat, kənd təsərrüfatı, mədəniyyət və incəsənət sahələrində əməkdaşlıq sənədləri imzalayıblar.
