Lula: Qəzzada baş verənlər iki ordu arasında müharibə deyil
Braziliya prezidenti Luiz İnasio Lula da Silva İsrailin Qəzza zolağına hücumlarını kəskin şəkildə pisləyib və onları “soyqırım” və “intiqam” kimi qiymətləndirib. Lula da Silva vurğuladı ki, Qəzzada baş verənlər iki ordu arasında müharibə deyil, daha çox qadın və uşaqların peşəkar ordu tərəfindən öldürülməsidir.
Braziliya prezidenti Luiz İnasio Lula da Silva İsrailin Qəzza zolağına davam edən hücumlarını sərt şəkildə tənqid edərək, onları “soyqırım” və “intiqam” kimi xarakterizə edib.
Lula da Silva Braziliya Sosialist Partiyasının Milli Konqresindəki çıxışında Qəzzada baş verənlərin iki ordu arasında müharibə olmadığını, daha çox “tamamilə peşəkar ordu tərəfindən qadın və uşaqların öldürülməsi” olduğunu vurğulayıb.
“Bu, müharibə deyil, soyqırımdır”
Prezident da Silva, “Bölgədə baş verənlər iki ordu arasında müharibə deyil, Qəzzada qadın və uşaqları öldürən tamamilə peşəkar ordunun hücumudur. Bu, müharibə deyil, soyqırımdır” dedi.
Lula da Silva həmçinin, “Hətta yəhudilər də bu müharibəni istəmir. Bu, bir hökumətin Fələstin dövlətinin qurulması ehtimalına qarşı intiqamıdır. Bizim gördüyümüz iki ordu arasında müharibə deyil. Bu, Qəzza zolağında qadın və uşaqları tamamilə öldürən bir ordudur” dedi.
Bildirilir ki, Lula da Silva çıxışı zamanı İsrailin siyasətini, o cümlədən İordan çayının qərb sahilində yeni məskunlaşmaları pisləyən sərt bəyanat oxuyub.
