Məbəddən qızıl külçələr və 2,3 milyon dollar tapıldı

Tailandın Nakhon Ratchasima əyalətində Buddist məbədində basdırılmış vəziyyətdə 80 milyon baht (təxminən 2,3 milyon dollar) və bir neçə qızıl külçə aşkar edilib.

Publika.az xəbər verir ki, bu barədə yerli media məlumat yayıb.

Məbədin keçmiş rəhbəri Vuttim Taomor məbəd fondundan 5,3 milyon dollar mənimsəməkdə şübhəli bilinərək həbs edilib.

Yerli sakin bildirib ki, məbədin arxasındakı təpədə bir neçə rahib çadırı tikilib. Onun sözlərinə görə, rahiblər həmişə ərazidə patrul edirmiş, sanki nəsə gizlədirmişlər.

Hüquq-mühafizə orqanları oğurluqda şübhəli bilinən daha altı nəfəri, o cümlədən beş keçmiş rahib və bir sürücünü həbs edib.

Publika.az