Mədəni İrs nazirinin müavini: İran turistik yerlərə görə dünyada beşinci yerdədir
Mədəni irs nazirinin turizm məsələləri üzrə müavini İranın turistik məkanlara malik olması baxımından dünyada beşinci yerdə olduğunu bildirərək deyib: “14-cü hökumətin layihələri ilə xarici turistləri cəlb etmək üçün daha çox səy göstərilməlidir.”
Ənuşirəvan Möhsini çərşənbə axşamı günü Noşəhrdə beşulduzlu otelin açılış mərasimində əlavə edib: “İnvestisiya və xarici turistlərin cəlb edilməsi məqsədi ilə ölkənin turizm mərkəzlərinin infrastrukturunun təkmilləşdirilməsi qaçılmazdır.”
O, İranın turizm sənayesinin həqiqi statusuna çatmadığını bəyan edərək deyib: “İslami İran turizm sahəsində yüksək yer tutur və bu mühüm məşğulluq və gəlir gətirən sektorun imkanlarını inkişaf etdirmək üçün böyük səylər göstərilməlidir.”
