Makron Netanyahuya BCM-in həbsinə dair orderə qarşı müdafiə vəd edir

Fransa prezidenti Emmanuel Makron Livanda atəşkəsi təmin etmək səyləri çərçivəsində İsrailin baş naziri Netanyahuya Beynəlxalq Cinayət Məhkəməsinin həbs orderindən toxunulmazlıq vəd edib.

Fransa prezidenti Emmanuel Makron İsrailin baş naziri Benyamin Netanyahuya Livanda atəşkəs razılaşmasındakı rolu müqabilində Beynəlxalq Cinayət Məhkəməsinin (ICC) həbs qərarına əməl etməyəcəyinə söz verib.

Noyabrın 21-də Beynəlxalq Cinayət Məhkəməsi Netanyahu və İsrailin keçmiş müdafiə naziri Yoav Qalantı Qəzzada törətdikləri hərbi cinayətlərə görə həbsə order verdiyini açıqlayıb.

ICC qərarları məhkəmənin tərəfləri olan bütün dövlətlər üçün məcburidir.

Le Point jurnalında çıxan xəbərə görə , Makron həbs qərarı elan edildikdən sonra Netanyahuya zəng edərək Parisin ICC qərarlarına hörmət etməli olduğunu bildirib.

Bununla belə, Makron bəyan edib ki, ICC qaydaları həbs orderlərindən azadolmaları nəzərdə tutur.

Bu çərçivədə iki lider BMT Təhlükəsizlik Şurasının 1701 saylı qətnaməsinin icrasına nəzarət etmək üçün yaradılacaq komitədə Fransaya mühüm rol verilməsi barədə razılığa gəliblər.

Le Point- ə danışan mənbənin sözlərinə görə , Netanyahuya toxunulmazlıq verilməsi Fransanın Livan razılaşmasındakı rolunu təmin etmək üçün ödənilən qiymət idi.