Malta, Mozambik, İsveçrə, Ekvador və Yaponiya BMT TŞ-ın qeyri-daimi üzvləri seçilib
BMT Baş Assambleyasının bu gün keçirilən iclasında dünya təşkilatının Təhlükəsizlik Şurasının 2023-2024-cü illər üçün beş qeyri-daimi üzvü seçilib.
“Report” TASS-a istinadən xəbər verir ki, Malta, Mozambik, İsveçrə, Ekvador və Yaponiya müvəqqəti olaraq BMT-nin əsas qurumunun bir hissəsi olacaq.
Bu ölkələr 2022-ci il dekabrın 31-də səlahiyyət müddəti bitən Hindistan, İrlandiya, Keniya, Meksika və Norveçi əvəz edəcək.
2022-2023-cü illər üçün BMT Təhlükəsizlik Şurasına daimi üzvlərdən – Rusiya, Böyük Britaniya, Çin, ABŞ və Fransadan əlavə Albaniya, Braziliya, Qabon, Qana və Birləşmiş Ərəb Əmirlikləri daxildir.
Report.az
