Masallıda yol qəzasında 5 nəfər xəsarət alıb
Masallı rayonunda ağır yol-nəqliyyat hadisəsi baş verib.
Hadisə rayonun Təklə kəndi ərazisində qeydə alınıb.
İlkin məlumata görə, qəza zamanı biri azyaşlı olmaqla beş nəfər xəsarət alıb. Onlardan da ikisi qadındır.
Vəziyyəti daha ağır olan iki nəfər təcili tibbi yardım avtomobili ilə, digərləri isə şəxsi avtomobillə Lənkəran Rayon Mərkəzi Xəstəxanasına çatdırılıblar.
Faktla bağlı araşdırma aparılır.
