Mbappe Neymara: “Mən sənin yerinə göz dikməmişəm”

Fransanın PSJ futbol klubunun hücumçusu Kilian Mbappe (Kylian Mbappe) Neymarla münasibətlərindən danışıb.

Bu barədə məlumatı “Esquire” nəşri yayıb.

Fransalı hücumçu Neymarın  yerinə göz dikmədiyini bildirib:

“Dünya çempionatını qazandıqdan sonra ona dedim: sənin yerinə göz dikməmişəm. Bu il “Qızıl Top”a namizəd olacağam, çünki sən orada olmayacaqsan, amma söz verirəm ki, komandada sənin yerini tutmağa çalışmayacağam. Azarkeşlərin Neymara münasibəti Braziliyada olduğu kimi deyil. Orada (Braziliyada) insanlar daha rahatdır. Fransada bu mövzuda azarkeşlər daha ciddidir. Burada hobbilərinizi nümayiş etdirmək düzgün sayılmır. İnsanlar düşünür ki, poker oynamaq onun PSJ-dəki performansına təsir edə bilər. Düşünürəm ki, Neymar bunu anlamağa başladı. Əvvəlcə onun üçün çətin idi, bunu özünə təhqir hesab edirdi”

Xatırladaq ki, Liqa 1-in ötən mövsümündə Kilian Mbappe PSJ-nin heyətində  31 oyuna 27 qol vurub və 7 məhsuldar ötürmə verib.

Fanat.az