Merkel ilə Putin arasında telefon danışığı baş tutub
Almaniya kansleri Angela Merkel ilə Rusiya prezidenti Vladimir Putin telefon danışığı zamanı “Şimal Axını 2” qaz kəməri layihəsini müzakirə edib.
Bu barədə AFR hökumətinin nümayəndəsi Ulrike Demmer jurnalistlərə açıqlama verib.
“Telefon danışığı zamanı Ukraynanın şərqindəki münaqişənin sülh yolu ilə həllinə dair Minsk Sazişlərinin həyata keçirilməsi müzakirə edilib. Bundan əlavə, telefon söhbətində Ukrayna ərazisindən qaz tranziti və “Şimal Axın 2″ boru kəməri kimi enerji məsələləri barəsində də fikir mübadiləsi aparılıb”, Demmer deyib.
Almaniya hökumətinin nümayəndəsi danışıqlar zamanı “ikitərəfli məsələlərin də müzakirə olunduğunu” qeyd edib.
Salamnews
