Meyitləri küçənin ortasında yandırmağa başladılar
Publika.az xəbər verir ki, sıfır kovid siyasətindən imtina edən Çində qadağaların və tədbirlərin aradan qaldırılması ilə davalar yenidən artmağa başladı. Bir müddət xəstəxanalarda və meyitxanalarda yer olmadığına dair açıqlamalar və sosial mediada yayılan görüntülərdən sonra Şanxayın Huinan qəsəbəsindən bir video gündəmə bomba kimi düşüb.
Kadrlarda yas tutan ailənin koronavirusdan dünyasını dəyişən yaxınları üçün yerə çarşaf düzdüyü və kişini üzərinə qoyduqdan sonra yandırdığı görünür.
Digər tərəfdən sosial mediada paylaşılan foto və videolarda günorta küçənin ortasında və ya dayanacaqda mərasim keçirən çinlilər Covid-19-dan həyatını itirən vətəndaşlarını yandırıb vida ediblər. Çox köməksiz vətəndaşın öz yaxınlarını yandırdığı görülüb.
Publika.az
