Mişel Aun: Sionist rejimlə sülh ideyasından söhbət belə gedə bilməz
Livan prezidenti Beyrutun Baabda sarayında jurnalistlərlə vida görüşündə vurğulayıb ki, sionist rejimlə sülh ideyası qətiyyən mümkün deyil və bununla bağlı heç bir gizli razılaşma yoxdur.
Əl-Məyadin-in məlumatına görə, Livan prezidenti Mişel Aun deyib: “Sionist rejimlə sülh ideyasından qətiyyən söhbət gedə bilməz və bununla bağlı heç bir gizli razılaşma yoxdur və biz bunu qiyamətə qədər etməyəcəyik.”
Beyrutdakı Baabda sarayında jurnalistlərlə vida görüşündə Livan prezidenti ölkəsinin daxili inkişaflarına toxunaraq davam edib: Nəcib Miqati və komandasının siyasəti göstərir ki, onların yeni hökumət qurmaq iradəsi yoxdur. Mən konstitusiyada hökumətin istefasının qəbulunu yeni hökumətin işə başlaması ilə şərtləndirən heç bir bənd görməmişəm.
Mişel Aun Suriya ilə sərhəd danışıqları ilə bağlı da deyib: Bu danışıqların tarixi bəlkə də bilmədiyimiz səbəblərə görə təxirə salındı, lakin məncə, Suriya tərəfi hələ bu danışıqlara hazır deyil və danışıqlar dostlarla belə çətindir. Əgər prezident Bəşər Əsədlə bu baxımdan təmas müsbət olmasaydı, biz Livan nümayəndə heyətinin göndərilməsi üçün tarix təyin etməyi tələb etməzdik.
O, çıxışının başqa bir hissəsində deyib: Prezident olduğum müddətdə düşmən mediası və böyük maliyyə, təbii və sağlamlıq fəlakətləri, o cümlədən, ölümcül hadisə olan və atom bombasının partlamasını xatırladan Beyrut limanının partlaması ilə qarşılaşdım.
Mən Suriya ilə bağlı sərhədlər və bir milyon 800 min suriyalı qaçqın, boş bir xəzinə, Korona böhranı və Beyrut limanının partlaması ilə üzləşdim və indi də vəba ilə qarşı-qarşıyayıq.
Livan prezidenti sonda deyib: Korrupsiya ilə mübarizədə ölkə rəsmilərindən heç biri mənə kömək etməyib.
