Müqavimət Alimləri Birliyinin rəhbəri: Qəzzənin dünən daşları var idi, amma bu gün raketləri var
Sizinyol xarici mediaya istinadən xəbər verir:
Müqavimət Alimləri Birliyinin rəhbəri Altıncı Beynəlxalq Müqavimət Alimləri Konfransında müqavimətin gündən-günə gücləndiyini və dünən yeganə silahı daş olan Qəzzənin indi raketlərə sahib olduğunu elan etdi.
Müqavimət Alimlərinin Altıncı Konfransı bu gün (çərşənbə axşamı) “İsraillə münasibətləri normallaşdırmaq planları və məskunlaşma layihələrinə qarşı ümmətin müqaviməti” ünvanı ilə başlandı.
Ümumdünya Müqavimət Alimləri Birliyinin prezidenti Şeyx Mahir Həmmud müqavimətin 33-cü ildönümünə təsadüf edən konfransda deyib: “Bu zaman kəsiyində daşın güllədən daha möhkəm və gələcəyə inam və ümidin yalançı vədələrdən daha tutarlı olduğu sübuta yetdi.
O, Oslo sazişinin süquta uğradığını vurğuladı və Sionist düşmənlə münasibətlərin normallaşdırılmasını rədd etdi.
Şeyx Həmmud dünən yalnız daşları olan Qəzzənin bu gün raketləri olduğunu və Sionistlərlə əlaqələrin normallaşmasına qarşı müqavimətin gündən-günə gücləndiyini bildirdi.
Sionistlərin 2006-cı ildə 33 günlük müharibədə məğlub olduqdan sonra, münasibətləri normallaşdırma prosesinə başladıqlarını və amerikalıların müqavimət imicini məhv etmək və İraq, Suriya və Liviyanı hədəf almaq üçün milyardlarla dollar xərclədiklərini də əlavə etdi.
Konfransda çıxış edən digər şəxslərin arasında Hizbullah liderinin müavini Naəim Qasim, İslami Cihadın Baş katibi Ziyad əl-Nəxalə və HƏMAS-ın baş üzvü Mahmud Əz-Zəhar da vardı.
