Müsəlman ata və oğul İsveçdə qəhrəman elan edildi
Stokholmda yaşayış binasında baş verən yanğın zamanı qonşularını xilas edən müsəlman ata və oğul İsveçdə qəhrəman elan ediliblər.
Ata Məsud Zəngin bildirib ki, 14 yaşlı oğlu Furqanı idman aparmaq üçün evdən çıxdıqda binanın 4-cü mərtəbəsində eyvanın alışdığını görüb.
“Balkondakı alovları görən kimi oğlum Furqana bütün sakinlərin qapılarını döyərək yanğının başladığını xəbər verməsini tapşırdım. Mən də 3-cü mərtəbədə qalan qonşularımın qapısını döyüb onların çıxmasına şərait yaratdım”, – deyə o qeyd edib.
Məsud yanğının başladığı 4-cü mərtəbəki yaşlı bir ailənin də həyatını xilas edib.
“Yanğınsöndürənlərdən istifadə edərək alovları nəzarət altına aldım. Bu əsnada çoxlu tüstü udduğum üçün çölə çıxan kimi özümdən getdim”, – deyə Məsud Zəngin xatırlayır.
O, iki gün xəstəxanada qalaraq müalicə aldığını və bu müddət ərzində onunla çox yaxşı maraqlanıldığını əlavə edib.
Onlar 2006-cı ildə Türkiyədən İsveçə köçüblər.
