Müsəlman xanımın elmi işi dünya miqyasında tanınıb
Kvebek Universitetinin tələbəsi Əlcəzair əsilli Linda Alian beynəlxalq səviyyədə tanınan kompyuter sistemlərinin təhlükəsizliyi üçün yeni model hazırlayıb. Aldığı magistr dərəcəsi çərçivəsində Linda istənilən kompyuter sisteminə giriş nəzarəti təmin edən yeni təhlükəsizlik modelini hazırlaya bilib.
“Deyerler.org”un islam.ru-ya istinadən verdiyi xəbərə görə, bu hicablı tələbənin qazandığı ilk uğur deyil. Bundan əvvəl L.Alian “Science Direct” platformasında nəşr olunan tədqiqat işi, şəbəkələrin və rabitənin gələcək inkişafı ilə bağlı XIV beynəlxalq konfransda mükafat alıb. Oxşar işləri beynəlxalq “Springer Journal of Ambient Intelligence” və “Humanized Computing” jurnallarında da dərc edilmişdir. Qeyd edək ki, “HoBAC” abreviaturalı model, hər hansı bir kompyuter sisteminin rəqəmsal aktivləri icazəsiz girişdən qorumağa kömək edir.
