Nasist gəmiləri 80 ildir dənizi çirkləndirir

Alimlər səksən il əvvəl nasistlərin batmış gəmilərindən hələ də partlayıcı maddələrin sızdığını aşkar ediblər. Belçikanın Gent Universitetinin alimləri İkinci dünya müharibəsi zamanı batan gəmilərin hələ də dənizləri çirkləndirməkdə olduğu qənaətinə gəliblər .

Publika.az “Marine Science”ə istinadla xəbər verir ki, tədqiqatçılar 1942-ci ildə Şimal dənizinin Belçika sahillərində batmış nasist trouleri “V-1302 John Mann” gəmisinin qəzasını tədqiq ediblər.

Məlum olub ki, gəmidən 80 ildir ki, dəniz dibinin mikrobiomuna və geokimyasına təsir edən zəhərli partlayıcı maddələr sızır.

Publika.az