NATO Rusiyaya qarşı kəşfiyyat aparmaq üçün Rumıniyaya AWACS təyyarələri yerləşdirəcək
NATO Rusiyaya qarşı kəşfiyyat aparmaq üçün Rumıniyada uzaqmənzilli radiolokasiya aşkarlayıcı AWACS təyyarələri yerləşdirəcək.
“Report” TASS-a istinadən xəbər verir ki, bu barədə Şimali Atlantika Müqaviləsi Təşkilatının (NATO) Mətbuat Xidməti məlumat yayıb.
“NATO AWACS təyyarələrini Rumıniyanın paytaxtı Buxarestə göndərəcək. Təyyarələr 2023-cü il yanvarın 17-də gəlməlidir. Bu təyyarələr NATO-nun regionda genişlənmiş hərbi mövcudluğunu dəstəkləyəcək və Rusiyanın hərbi fəaliyyətinə nəzarət edəcək”, – alyansdan bildirilib.
Rumıniyada, ümumilikdə, 3 təyyarənin yerləşdiriləcəyi gözlənilir.
Report.az
