Ölkələrin Suriya ilə münasibətlərinin normallaşması Amerikanın yenidən qəzəbinə tuş gəlib

ABŞ Dövlət Departamentinin sözçüsü çərşənbə günü bildirib ki, Vaşinqton heç vaxt Əsəd rejimi ilə münasibətləri normallaşdırmayacaq.

ABŞ Xarici İşlər Nazirliyinin sözçüsü çərşənbə günü Suriyanın Ərəb Liqasına qayıtmasına münasibət bildirib.

O, Xarici İşlər Nazirliyinin mətbuat konfransında çıxışı zamanı deyib: “Biz Suriyanın Ərəb Liqasına qayıtmağa layiq olduğuna inanmırıq və bu məsələni regional tərəfdaşlarla müzakirə etmişik”.

ABŞ Dövlət Departamentinin sözçüsü əlavə edib: “Biz heç vaxt Əsəd rejimi ilə münasibətləri normallaşdırmayacağıq və bunu etmək üçün heç kimə dəstək verməyəcəyik.”

ABŞ Xarici İşlər Nazirliyinin mətbuat katibinin bu açıqlamaları ərəb ölkələrinin Suriya ilə münasibətləri normallaşdırmaq qərarına gəldiyi bir vaxta təsadüf edir.

Bununla bağlı Suriya xarici işlər nazirinin köməkçisi Əymən Susan “Middle East”ə verdiyi eksklüziv müsahibəsində Suriya Prezidenti Bəşər Əsədin Ciddədə iştirak edəcəyini açıqlayıb.

“Middle East” qəzetinin internet saytı çərşənbə günü, mayın 17-də verdiyi xəbərdə yazıb: Dəməşqdən yüksək səviyyəli bir məmur, Suriya prezidenti Bəşər Əsədin sabahkı gün Ciddədə keçiriləcək iclasda iştirak edəcəyini açıqlayıb.

Bu xəbər Suriya hökumət rəsmiləri, o cümlədən ölkənin xarici işlər naziri Feysəl Əl-Miqdadın çərşənbə günü Dəməşqdə 12 illik fasilədən sonra planlaşdırılan ərəb ölkələri başçılarının sammitinin ilkin iclaslarında iştirak etdiyi bir vaxtda dərc olunur.

Mayın 7-də Ərəb Liqasının xarici işlər nazirləri fövqəladə iclasda Dəməşqin bu regional qurumdakı üzvlüyünün dayandırılmasını ləğv etmək və ya başqa sözlə, Suriyanın Birliyə qaytarılması qərarını elan etdilər. Bundan sonra dünya mediası ərəb ölkələrinin diplomatik rəsmilərinə istinadən xəbər yayıb ki, Bəşər Əsəd bu qərardan sonra ərəb ölkələri başçılarının ilk iclasında iştirak edəcək.