“OPEC+”-in Qərbə vurduğu üçqat zərbə
Publika.az xəbər verir ki, Britaniyanın “The Telegraph” qəzetinin köşə yazarı Melissa Loufordun fikrincə, bəzi OPEC+ üzv dövlətlərinin neft hasilatını azaltmaq qərarı Qərb ölkələrinə üçqat zərbədir.
“Yüksək neft qiymətləri inflyasiyanı stimullaşdıracaq. “OPEC+”-in qərarı Səudiyyə Ərəbistanının Qərbdən üz döndərərək Çinlə üz-üzə qaldığını göstərir”, – jurnalist bildirib.
Onun fikrincə, Moskvaya məhdudiyyətlərin tətbiqi gecikib. Louford izah edib ki, onlar yalnız keçən ilin dekabrında qüvvəyə minib və Rusiyanın gəlirləri azalmağa başlayanda, OPEC işə qarışıb və onları yenidən stimullaşdırıb. Jurnalist yekunlaşdırıb ki, Səudiyyə Ərəbistanının enerji siyasəti Vaşinqtona qarşı yönəldiyi üçün Moskva hazırda qalib mövqedədir.
Bir sıra “OPEC+” ölkələrinin neft hasilatını azaltmasının nəticələri
“OPEC+” sazişinin 20 iştirakçısından 9-u, o cümlədən Rusiya aprelin 2-də neft hasilatını azaltmaq qərarına gəldikdən sonra yanacağın qiymətləri kəskin artıb. Bildirilir ki, WTI markalı xam neftin may fyuçerslərinin dəyəri 7,12 faiz artaraq 81,09 dollar/barelə, Brent markalı neftin iyun fyuçerslərinin qiyməti isə 7,13 faiz artaraq 85,59 dollar/barelə çatıb.
Associated Press xəbərdar edib ki, insident ABŞ-ı inflyasiya və benzin qiymətlərinin artması riski ilə üz-üzə qoyub.
“OPEC+”-in qərarına reaksiya
Vəziyyəti prezidentin mətbuat katibi Dmitri Peskov şərh edərək, belə tədbirlərin qiymətləri lazımi səviyyədə saxlamağa yönəldiyini izah edib. Bununla belə, Ağ Evin strateji kommunikasiyalar üzrə koordinatoru Con Kirbi neftin hasilatının azalmasını ağılsızlıq hesab edib. O vurğulayıb ki, bazardakı qeyri-müəyyənlik şəraitində bazarda xammal tədarükünün azaldılması arzuolunmaz addım kimi görünür.
ABŞ prezidenti Co Bayden isə bu addımın o qədər də pis nəticələnməyəcəyini bildirib.
Publika.az
