Ordu Dəniz Qüvvələrinin komandiri Trampın illüziyasına cavab verib

İran Ordusu Hərbi Dəniz Qüvvələrinin komandanı ABŞ prezidentinin İran, Çin və Rusiyadan ibarət üç ölkənin birgə Dəniz Təhlükəsizlik Kəməri təlimi ilə bağlı açıqlamasına cavab verərək deyib: “Bəziləri illüziyaya qapılıblar.”

Admiral Şəhram İrani əlavə edib: “Biz dünyada çoxlu illüziyaları görürük, hansı ki, bəzi insanların vücudunda var. Amma önəmli olan odur ki, bu gün dəniz sahəsində aktyorların sayı artıb. Dəniz imkanlarına və qüdrətinə malik olan və dənizdə ola bilən ölkələrin sayı elm, bilik və sənaye əsasında artmışdır.”

Ordu Dəniz Qüvvələrinin komandanı vurğulayıb: “Amma İran, Çin və Rusiyadan ibarət üç ölkə bu birgə təlimdə fərqlidir. Çünki bu mövcudluq təhlükəsizlik mənbəyidir. Bunun əleyhinə danışanlar, illüziyaya qapılanlar heç vaxt dünyanın heç bir yerində əmin-amanlıq və təhlükəsizlik gətirməyiblər, əksinə həmişə bir çox təhlükəyə səbəb olublar, insan cəmiyyətini təhdid ediblər.”

“Bu gün Şanxay Əməkdaşlıq Təşkilatı və BRİKS-ə üzv ölkələr dəniz iqtisadiyyatında öz müsbət rolunu ən yaxşı şəkildə oynamaq imkanına malikdirlər” – deyə, o, qeyd edib.

Admiral İrani deyib: “İran, Çin və Rusiya Təhlükəsizlik Kəməri təliminin mərkəz nöqtələri olsalar da, regiondakı digər ölkələr də öz səyləri ilə bu gün dəniz təliminə qalıla biliblər və gələcəkdə keçiriləcək bu təlimlərə mütləq öz gəmiləri ilə qatılacaqlar. Bu gün üç ölkə arasında yaranmış bu ortaq dil region ölkələri arasında daha yaxşı və dolğun şəkildə qurulacaq.”