Ötən il İranın ticarət dövriyyəsi 180 milyard dollar olub
Mərkəzi Bankın iqtisadiyyat üzrə sədr müavini Mərkəzi Bankın tədiyə balansına əsaslanaraq hicri şəmsi təqvimilə 1402-ci (mart 2023-2024) ildə İranda 180 milyard dollarlıq ticarət dövriyyəsi olduğunu açıqlayıb.
İRNA-nın Mərkəzi Bankdan verdiyi xəbərə görə, Məhəmməd Şirician bununla bağlı bildirib: Mərkəzi Bankın tədiyyə balansına əsasən, 1402-ci ildə biz 100 milyard dollar ekvivalentində mal ixrac etmişik ki, bu da 1401-ci ildəkindən üç faiz çoxdur.
O, sözlərinə belə davam edib: Malların idxalı 6,2% artaraq 80 milyard dollara bərabər olub.
Şirician əlavə edib: Ümumilikdə 1402-ci ildə İranın ticarət dövriyyəsi 180 milyard dollara bərabər olub, mal hesabı da bu il müsbət 20,5 milyard dollara bərabərdir.
