Pakistan prezidenti İranı məzlum Fələstin xalqının hüquqlarının müdafiəsi sahəsində səylərin lideri kimi dəyərləndirib

Doktor Seyid İbrahim Rəisi çərşənbə günü günorta Pakistan İslam Respublikasının prezidenti cənab Arif Rəhman Ələvi ilə telefon danışığında sionist rejimin Qəzzənin məzlum və qüdrətli xalqına qarşı cinayət və soyqırımlarının davam etməsinə və beynəlxalq təşkilatların bu cinayətlərin qarşısını almaqda səmərəsizliyinə toxunaraq, Qəzzada qətl və cinayət maşını dayandırılması məqsədilə bu rejimə təzyiq göstərmək üçün İslam ölkələrinin koordinasiyalı fəaliyyətlərinin vacibliyini vurğulayıb.

İRNA-nın məlumatına görə, prezident həmçinin Pakistanın sərhəd təhlükəsizliyinin yaxşılaşdırılması üçün daha çox səy göstərməsinin vacibliyini vurğulayıb və iki ölkənin müxtəlif sahələrdə, xüsusilə enerji sahəsində əməkdaşlığı genişləndirmək üçün zəngin imkanlarına işarə edərək, ümidvar olduğunu bildirib ki, iki ölkənin hökumət rəsmiləri bu imkanları reallaşdırmaq üçün daha ciddi işləyəcək.

Bu telefon danışığında Pakistan prezidenti Arif Rəhman Ələvi İran İslam Respublikasının Fələstinin məzlum xalqının hüquqlarının dəstəklənməsi və müdafiəsi sahəsindəki rəhbər mövqeyinə işarə edərək, ölkəmizin bu məsələdə göstərdiyi səylərə görə təşəkkürünü bildirib: İslam ölkələrinin koordinasiyalı və birgə səyləri və hərəkətləri sionistlərin Qəzzada törətdikləri cinayətləri dayandırmaq üçün onlara əlavə təzyiq göstərə bilər.